Lolo nga nilabang sa SRP road nadasmagan, patay

PATAY ang usa ka lolo human kini madasmagi sa dihang milabang kini sa kalsada samtang laing lalaki nga wala na makakontrolar sa motorsiklo nga iyang gimaniho ang napatay usab sa managlahing insidente sa kadalanan sa probinsiya sa Sugbu.

Si Dionesio Reyes, 60, minyo nagpuyo sa Laray, Barangay San Roque, dakbayan sa Talisay, dead-on-arrival (DOA) dihang nadangat sa tambalanan.

Samtang naangol sab si Benjun Geonzon, 30, minyo taga Inayagan, dak­bayan sa Naga, kinsa maoy nagmaniho sa motorsiklo.

Si Geonzon, kasamtangang naa sa usa ka tambalanan gumikan sa ka seryoso sab sa mga injuriy niyang na­angkon sa kalawasan tungod sa ka kusog sa impact sa pagkadasmag.

Ang biktima gikatahong milabang sa may SRP Road sa may Sitio Laray sa nahisgutang lugar niadtong mi-aging adlaw dihang maayong pagka-igo niini sa motorsiklong gimaniho ni Geonzon, nga padulong sa dakbayan sa Sugbu.

Samtang usa ka Sherwin Banguiran, 33, minyo taga Canagahan, San Remegio namatay human malamba sa iyang motorsiklo niadtong Martes sa alas 8:05 sa buntag sa Barangay Dakit, dakbayan sa Bogo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph