KARONG adlawa ang gitawag og Miyerkules Santo sa Simbahang Katoliko subay sa pagsaulog sa Holy Week. Ugma Huwebes Santo ug pagasundan sa Biyernes Santo, ang adlaw sa paghandom sa paglansang ni Jesu Kristo sa krus tungod sa pagluib ni Hudas nga iyang sinaligan.
Kon maghisgot ta og maluibon, daghan sa mga pulitiko ug opisyal sa gobiyerno ang angayan nga ilansang kay nagluib sa katawhan ug giseguro ang ilang kaugalingon ug gipalaway lang ang mga tawo sa ilang pagkadato.
Nakaako pa sila sa pag apil-apil aron mahimong mamumulong. Mora bitaw og gipatuo lang ang mga tawo nga sila naghinulsol o pagpaka aron ingnon lang.
Kon imong tan-awon sa mga kalihukan buotan tan- on. Mao nay gitawag ug nagpakaaron-ingnon apan maoy angayan bitayon ug ilansang sa krus.
Dili sila sama ni Jesu Kristo ha, ang ilang kapareho mao ang kristo sa buwangan!
Apan naa sab hinuoy mga pulitiko nga matarong apan wa makalikay sa tentasyon sa pagdawat sa komisyon. Naay uban way mga uwaw kay ang tuyo sa pagpapili aron pagpadato ug dili ang pag serbiyu.
Kini nakapahinumdom nako sa usa ka bersekolo sa Bibliya, bulahan ug balaan ang tawo nga nagpakabuhi sa katarong nga wa manglupig kay dunay panalangin gikan sa Diyos ang gamayng grasya nga iyang nadawat.
Sama ra sa pagdawat ug wa mahadlok ang usa ka pobreng masakiton sa nagkaduol niyang kamatayon. Kay nakasiguro siya sa langit mapunta ang iyang kalag tungod sa pagsunod sa mga sugo ni Lord ang pagbuhat ug matarong samtang nagpakabuhi pa kini dinhi sa kalibotan.
EHEMPLO SI PACQUIAO
Sama ni Pambansang Kamao Manny Pacquiao, nagbag-o sa iyang kinabubi gikan sa kadaotan ug karon ehemplo na sa katarong tungod kay may kahadlok ug gugma ni Lord.
Si Pacquiao, usa ka pulitiko nga di mangayo ug mao pa gani manghatag sa mga nanginahanglan kay diman gud kurakot ug mibalik na sab sa Diyos.
Mapobre ug madatu makatilaw sa iyang kuwartang daog sa pamoksing.
Kon puwede pa lang unta siya haom kaayo nga mahimong Presidente. Ang apan kun kini mahitabo di ka kontrol unya si Manny sa mga ginagoy sa mga tawo sa iyang palibot.
Samtang, nagkahinay na gyud si Pacquiao, tungod sa nagkataas nang edad. Usa ngadto sa duha nalang ka kumo ang buhian.
(efren_lonzon@yahoo.com Text: 09327380888, Globe 09156938444)