Lonzon: Dr. Cañete gitraydoran?

NAKASULTI ko sama sa nagtraydor si Dr. Emedio Bustillo, dean sa Business Administration sa Mandaue City (MCC) nga gipadagan ubos sa pagdumala ni Dr. Paulus Cañete kauban sa ubang faculty nangulo sa pag-resign ug pagdaot sa presidente.

Para nako, makauwaw ang gihimo ni Bustillo. Gituohan nga siya ang molaban sa katungod ug sa interes sa eskuwelahan.

Bisan pa man og iyang gitraydoran ug giguba ang kasuod tali ni Cañete, nga daw sama sa igsuon ang tan-aw sa mga tawo nga nakaila kanilang duha, hinaut nga di kini makaapekto sa pagpadagan sa tunghaan.

Kon ang rason ang kakuwang sa transparency, nahibawo na si Bustillo ug mga kauban nga dili maayo ang isakripisyu ang 800 ka mga estudyante nga maoy nakapahimulos sa pagbarog nga ilang hinagoan.

MCC ug TCC

Bilib lang ko sa kaisog ni Cañete. Taliwa sa grabing mga pagsuway, padayong nakigbisog ug mibarug bisan pa man og nahulga ang kinabuhi. Mao ni gitawag og prinsipyo, bahalag makinaunsa.

Kaniadto, nisukol sa dihang gigukod ug gipalagot ni Mayor Jonas Cortes isip presidente sa MCC nga giduma sa siyudad, kay tinudlo kini ni kanhi mayor Teddy Ouano, karon sakop sa Hunta sa lalawigan.

Gani, nahimong gubot ang pagdumili ni Cañete sa pagbiya sa katungdanan. Gilisudlisod hangtod nga napriso human madakpi sa kasong illegal posisyon of fire arms. Apan ning bag-o pa lang, gipaka­walay sala sa korte si Cañete, human maprobar nga planted ang armas.

Bisan pa man sa kalbaryo ni Cañete, napabarog niini ang MCC ubos sa iyang pagdumala bisan pa man sa way hunong sa pagpabaha og mga kaso nga gipasaka sa mga nagduma sa MCC sa siyudad sa Mandaue.

(efren_lonzon@yahoo.com, 09156938444 Smart 09288906111)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph