Luage, gihatagan og buwak ni Oybenes

BASE sa resulta sa autopsy sa PNP Regional Crime Laboratory, nasuta nga ang lawas nila ni Mabini Barangay Captain Rey Oybenes, 39, ug Johamma Luage, 32, dunay samad pinusilan sa walang dughan gikan sa samang bala sa armas nga hinungdan sa ilang kamatayon.

Nakompirmar kini sa cross matching sa mga bala kagahapon nga nakuha sa posisyon ni Oybenes sulod sa sak­yanan dihang napalgan sa Barangay Cansomoroy, lung­sod sa Balamban ni­adtong Huwebes.

Ang lawas ni Ramram didto nakita sa kasagbotan nga dapit.

Ang duha gipaubos usab sa paraffin test sa pagsusi kon si kinsa ang nigamit sa armas. Gikompirmar usab sa ta­ho nga ang duha dunay relasyon.

Usa ka adlaw nga wa pa mahitabo, si Oybenes nihatag og tulo ka pula nga rosas kang Luage nga dunay suwat nga “I love you goodbye.”

Si Sr. Supt. Marinao Natuel Jr., direktor sa Cebu City Police Office (CCPO), nagkanayon nga dakong posibilidad nga naghikog si Oybenes subay sa ilang imbestigasyon.

Atol ning pagkuha sa taho, si Natuel nagpaabot pa sa opisyal nga resulta sa eksaminasyon gikan sa Scene of the Crime Office (Soco-7).

Gibutyag niini nga ang igsuong babaye ni Luage nibutyag ka­nila sa kapulisan nga nakadawat na kinig text messages gikan kang Oybenes nga nanghulga.

Gipabasa siya ni Lua­ge sa text messages ni Oybenes nga naghulga nga kon dili na sila magkabalik, magkamatay gyod sila.

Nasayran sa imbestigasyon ni Natuel nga sila si Oybenes ug Luage dunay relasyon sulod na sa lima ka tuig, apan gakabuwag niadtong Pebrero ning tuiga.

Ang kapitan gusto gihapong magkabalik sila ni Luage ug ang duha nag-uban og nag-dinner niadtong Mayo 21.

Atol sa ilang dinner, si Oybenes nihatag og rosas bulak kang Ramram ug niadtong Miyerkules sa gabii, si Oybenes nakit-an nga diha sa iyang sakyanan natulog gawas sa Cebu City Condominium sa dalan N. Bacalso human giingong wala siya tagda ni Luage, kinsa nagpuyo sa maong condominium uban sa iyang mga anak ni kan­hing PO1 Luage.

Pagka Huwe­bes sa buntag, way nahimo si Luage ug nisakay sa sak­­yanan sa kapitan hangtod nahitabo ang krimen sa bu­kirang dapit.

KALAG?

Dunay kauban sa bu­hatan ni Luage nga nag­pakita ang kalag sa namatay niadtong Huwebes sa alas 3:30 sa hapon nga nag-snack sa convinience store duol sa Cebu City Hall.

Si Betsy Pareja nagkanayon nga subli nga nagpakita kaniya si Lua­ge sa pagka alas 5:00 sa hapon sa samang dapit.

u201cThursday, wala na siya pero akong nakita siyta sa afternoon. So nia­na ko nga kalag na diay tong akong nakita,” matod ni Pareja.

Mga kauban niya sa buhatan niasoy nga nagmerida na kini tungod sa pagpasiaw nga siyay sunod hatagan og burial assistance gikan sa ilang buhatan sa Department for the Welfare of the Urban Poor (DWUP).

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph