Mag-live-in patay, 2 samdan sa pagpamusil

NORTH COTABATO -- Patay ang mag-live-in samtang laing duha ang naangol sa lain na sab nga pagpamanhig alas 10:30 sa gabii niadtong Huwebes didto sa siyudad sa Kidapawan.

Giila ang mga nakabsan sa kinabuhi nga sila Gina Bayhon, asawa sa kanhing opisyal sa militar ug ang live-in partner niya nga negosyante nga si Kenneth Gelloriza, tag-iya sa Donamae Hardware.

Samdan sab ang duha nila ka trabante nga sila si Faith Peñaflorida ug Ivy Peñalosa.

Gibutyag ni Senior Superintendent Chino Mamburam, director sa Kidapawan City Police Office, nga panaug na ang mga biktima sa ilang sakyanan nga D4D Toyota pick-up atbang sa balay ni Gelloriza didto sa Sandawa Homes Subdivision sa dihang nahitabo ang pagpamanhig.

Sumala pa nga gikan ang mga biktima sa ilang hardware sa diha nga mibutho ang duha ka wala mailhing lalaki ug gipamusil sila gamit ang M-16 armalite rifle.

Mga suspek sakay sa usa ka motorsiklo nga way plaka ug dayon misibat sa wa masayring dapit.

Mga biktima gidali ug dala sa Kidapawan Doctors Hospital apan gideklara silang dead on arrival samtang kritikal ang kahimtang sa duha nila ka trabante.

Mohimo og imbestigasyon and mga kapulisan bahin sa hitabo aron nga masayran ang motibo sa pagpamanhig sa mga biktima. (Edgardo Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph