DUHA ka maglive-in ang sapon human milusad og operasyon ang mga sakop sa Philippine Drug Enforcement Agency (PDEA-10) niadtong Lunes sa gabii sa Zone-4, Barangay Kauswagan ning siyudad sa Cagayan de Oro.
Giila ang mga dinakpan nga mao sila si Emily Tabla, 36, ug kapuyo niining si Frank Refuerzo, hingkod ang edad, residente sa susamang dapit.
Gibutyag ni Ben Calibre kinsa usa ka PDEA agent nga gi-grant sa korte ang ilang gihangyo nga search warrant human nagpositibo og test buy gikan ni Tabla.
Tungod kay anaa naman sa ilang posisyon ang search warrant ilang kining gi-serve ug ilang gisusi ang puloy-anan sa duha ka mga suspetsado.
Nakuha sa ilang mga posisyon ang ubay-ubay ka mga sachet sa gituohang shabu, aduna pay mga uga nga marijuana.
Gani giingong aduna pay binandol nga laing gitouhang shabu nga adunay gibug-aton nga 300 gramo.
Ang duha gisikop ug detinado ning panahona sa prisuhan sa PDEA ug gikatakdang pasakaan og kasong supak sa Republic Act 9165 kon Dangerous Drugs Act.