Malacañang midasig sa Gilas

NANAWAGAN ang Malacañang sa mga Pinoy nga mas pahugtan ang pagtuo gumikan kay aduna gihapon poruhan ang Gilas Pilipinas nga makaabante sa Round of 16 sa FIBA World Cup of Basketball sa Seville, Spain.

“We should continue to support the Gilas Pilipinas team. Our Filipino players have shown truly remarkable courage, determination and skill despite going against taller players,” mensahe ni Presidential Communications Operations Office Secretary Herminio Coloma sa interbyu sa Radyo ng Bayan.

“If they win in their last two games, they still have a chance to forward to Round of 16. May laban pa tayo.”

Ang Gilas nasukamod sa kapildihan sa nag-unang tulo ka mga tahas niini apan nakakombati kini’g insakto batok sa Greece ug hilabi na sa Croatia ug world no.3 Argentina.

Sa laing bahin, daghang netizens ang naghandom nga mahatagan og taas nga playing time ang higanteng Sugbuanon nga si Junemar Fajardo.

Sa tulo ka mga duwa sa Gilas, maayo ang gipakita sa produkto sa University of Cebu (UC) Webmasters hilabi na kon magdungan sila ni naturalized Andray Blatche apan gamay ra gihapon siya’g playing time.

Sa interbyu sa GMA news, nagkanayon si national coach Chot Reyes nga wala siya mag-internet aron dili makabasa og mga komentaryo kay maghatag lang kini kaniya’g labad sa ulo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph