Mamaligyaay og pan gitulis sa 3 ka armado

NAGPATABANG sa kapolisan ang usa ka mamaligyaay og pan human gitulis sa tulo ka armadong lalaki niadtong Lunes mga alas 5:45 sa hapon sa Lapasan Highway ning siyudad sa Cagayan de Oro.

Giila ang biktima nga mao si Norbert C. Bontoc, 24, minyo, taga Zone-3, Puerto ning siyudad, trabahante sa Julie's Bakeshoppe.

Gisaysay sa biktima dihang nagpatabang kini sa Police Station 3 (PS3) sa Agora nga sakay siya sa motorsiklo nga adunay sidecar diin ang maong kilid nga bahin adunay gipamutang nga baligyang pan.

Nagsuroy og pan niadtong tungora ang biktima dihang gipara sa tulo ka mga lalaki.

Sa pagtuong kostumer mihunong ang biktima apan nakurat kini dihang kalit nanion ang usa ka lalaki og kutsilyo samtang ang usa nigamit og kalibre .38 ug gipakita usab kaniya.

Mideklarar og tulis ug gipangayo ang iyang halin niadtong tungora nga mokabat P1,200.

Dali dayon nga milakaw ang mga tulisan human nakuha ang tinguha samtang sa kahadlok deretsong nagpatabang sa kapolisan ang biktima.

Gihulagway ni Bontoc nga ang lalaki nagdala og kutsilyo nagsul-ob og kalo, karsones ug naka t-shirt lamang samtang ang laing duha nga maoy looked out wala na kaayo niini naklaro.

Ang kaso karon gisunod na sa kapolisan sa PS3 aron pag-ila sa mga suspetsado. (Stephanie V. Berganio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph