Markang ‘Team JVR’ sa basketball court

GIMARKAHAN og “Team JVR” ang bag-ong gi-renovate nga basketball court sa Talisay City Sports Complex nga gigastohan og kapin sa dos milyones ka pesos.

Gihangop man tuod sa mga molupyo ang pagpanindot ni Mayor Johnny V. delos Reyes (JVR) sa nahisgutang sports complex nga anaa mahimutang sa barangay Poblacion apan pipila usab niini ang mikuwestiyon kon nganong gibutangan pa man gyud ni og “Team JVR.”

Ang pag-ayo gisugdan niadtong Hulyo 21 ug gikatakda nga buksan alang sa publiko karong Dominggo dungan sa pagsugod sa 2014 Mayor’s Cup basketball tournament.

u201cDili man gud na kuwarta niya, kuwarta man na sa mga tawo nganong butangan man niya?

Dako pa kaayo,” matod sa usa ka mulopyo nga mihangyho nga dili lang magpaila.   

Si Atty. Baltazar Martinez, barangay secretary sa barangay Poblacion, miingon nga ang gihimo sa mayor usa ka irregular ug nakalapas sa kamanduan ni Presidente Noynoy Aquino nga  nagdili pagbutang sa mga pangan sa politiko diha sa mga proyekto sa gobiyerno.

Mismo si Bise Mayor Romeo Villarante mikonpimrar nga siya mismo nakadawat sa maong reklamo hinungdan nga iyang pakig-estoryahan niini si Mayor JVR.

Nasayran nga lakip sa gibutangan og marking “Team JVR” mao basketball board.

u201dHilas pa kaayo nga Anti-Epal daw sila unya diay to kapal diay kaayo,” nagkanayon ang usa ka opisyal.

Dili kini maoy unang higayon nga gibutang ang pangan ni Mayor JVR sa mga proyekto sa gobiyerno. Lakip na niini ang mga  ambulansya nga gipanghatag sa barangay ug sakyanan sa Talisay police, ug ang bag-ong napalit nga garbage truck.

Gisuwayan unta sa pagkuha ang habig ni Mayor JVR apan wala kini sa iyang buhatan ug wa usab kini motubag sa tawag sa iyang telepono.

Ang iyang anak nga mao usab ang city administrator nga si John Yre delos Reyes nagdumili usab pagtubag sa maong isyu.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph