Martin: Cebu press mas harmless!

AC Martin

Tagming

WA NA lang ko mo-interbyu ni John Medina sa miaging pagbisita nila ni Sofia Andres sa Gaisano Main ug Country Mall niadtong Halloween.

Kadaghan nang mga dagkong artista nga gida ni Ma’am Rosemarie Gaisano sa Cebu, sama nilang Bea Alonzo, Maja Salvador, Heart Evangelista, Erich Gonzales ug kinsa pa tong uban, pero wa gyud ni sila niingon nga “no personal questions.”

Mas maayo pa si Sofia ug ang iyang mommy kay chika pa kaayo sa press. Basaha ang atong Super Ka! ugma ug tan-awa kon angay ba na kahadlokan nang mga pangutanaha.

Kon buot hunahunaon, mas harmless pa ang entertainment press sa Cebu kumparar sa Manila!

UNSAY AYO?

Nakadawat kog imbitasyon sa presscon alang sa bag-ong FM station sa TV5, ang “Radyo 5-101.9 News FM.”

Sa maong presscon, ila sad kunong ipailaila ang bag-o nilang news anchor nga si Atty. Frank Malilong nga maoy host sa programang “Frankahay Ta!” ug “Tambag Ni Torni!”

Kon wa ko masayup si Atty. Malilong ang mohulip ni Atty. Ruphil Banoc, kinsa giingong kutob na lang karong December sa Kapatid station.

Moabot sad sa maong presscon ang mga taga-TV5-Manila nga silang Erwin Tulfo ug Martin Andanar.

Pagbasa nako kon kinsay nagpada sa imbitasyon, uy ang ato man diayng higalang si Karla Kintanar-Fernandez, kinsa mao diay karoy station manager sa TV5-Cebu.

Si Karla mao ni siyay kapikas sa PBA legend nga si Mon Fernandez. Sige, motambong ta.

Atong tan-awon kon unsay mga kausaban ug kalamboan karon sa maong estasyon.

PASKO SA LAYSHO

Ugma, mga suki, magsugod na sad ta sa atong Pasko sa Laysho! Mag-promo ta kay taudtaud na tang wa maka-promo!

Si Ms. Wendy Mendoza ang atong pasalamatan kay siyay motabang sa atong Pasko sa Laysho promo. Pero ang inyong kupon diri sa Superbalita ipada ha, dili sa iyang parlor sa kilid sa Gaisano Tabunok.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph