Martin: Jason, Queenie gihugopan sa Bogo

AC Martin

Tagming

USA ko sa nakauban sa “Piyestang Handog” show ni Jason Abalos ug Queenie Padilla sa Gaisano Center Bogo niadtong Dominggo nga gipahigayon sa Bogo City Complex nga gidumog gyud pag-ayo sa mga Bogohanon.

Makabungol ang masipang pakpak ug grabeng siyagit ang gihimong pag-welcome sa mga fans nilang Queenie ug Jason. Samot nagwala ang mga batan-on dihang gikanta ni Queenie ang version niya sa Love the Way You Lie ni Rihanna ug The Only Exception sa Paramore.

Wa maglangay nilugwa sad dayon si Jason Abalos nga nikanta og Body is a Wonderland ni John Mayer ug Ngiti ni Ronnie Liang. Maorag napraning ang mga bading ug babayeng teenager sa kaambungan sa maong aktor.

64 KILOS

Kauban ni Jason ug Queenie nga niabot sa Cebu ang ilang mga handler sa ABS-CBN.

Sa wa pa ang show, ang duha nakauban namo sa usa ka lamiang paniudto didto sa White Gold House restaurant sa imbitasyon ni Ma’am Rose Gaisano.

Maorag gidukaduka pa ang nawong ni Queenie ug Jason pag-abot nila kay delay na sad kuno ang flight. Matod ni Queenie nga putol-putol ang iyang kinatulgan kay momata gyud kuno siyag kaadlawon aron mangadye.

“Ganun po kami sa Muslim, we pray 5 times a day in different positions. I wake up at dawn to pray, so after that, tuloy-tuloy na sa airport,” pasabot pa sa anak ni Robin Padilla.

u201cSa ngayon, wala pa akong soap sa ABS-CBN. But I’m training mixed martial arts for our next project with my dad. Pero bawal pang sabihin.”

Matod ni Queenie nga ang kinadak-an kuno niyang timbang ang 64 kilos. Sa pagkakaron wa

siya kahibawo kon unsay iyang timbang. “But I’m really trying hard na magpapayat.”

Si Jason, sa laing bahin, busy sa iyang umaabot nga teleserye sa ABS-CBN kauban si Cristine Reyes, ang Reputasyon nga gikatakdang ipagawas karong June.

WELL-LOVED COUPLE

Lingaw kaayo si Jason ug Queenie pag-abot namo sa Bogo kay lami kaayo ang among panihapon courtesy sa usa sa mga well-loved couples sa Bogo, si Vicente Rodriguez ug Bogo City councilor Belinda Rodriguez nga mga suod kaayong higala ni Ms. Gaisano.

Pero si Queenie wa gyud pa­tintal sa nangidhat ug init-init pa nga lechon de leche kay bawal kuno sa muslim. Pero sa lechon nga pabo maorag nikaon to siya. Ang seafood rice hinuon nahurothurot gyud.

Atol sa maong kalingawan gipahigayon usab ang katapusang pagbola sa Gaisano Inc. “A Million Thanks” raffle promo, diin lakip sa gipanghatag mao ang brand new nga Mazda2 ug mga home appliances.

GO-GOES

Naghisgot man gyud tag lechon, magpasalamat diay ko sa Go-Goes Lechon sa Poblacion Liloan nga maoy niluto sa dinugoan ug sa lamian kaayong lechon nga among gikuninitan atol sa birthday sa akong baby.

Dili tinuod nang estorya nga laplapan uy, tingali ang uban pero sa Go-Goes, makasiguro ka nga sulit ang imong gibayran ug garantisadong lamian gyud ang matag-ingkib nimo sa ilang inasal. Sa uulitin ha! Hehehe…

TV5 HADLOK SA BAGYO

Wa diay madayon ang mga artista sa TV5-Manila og bisita sa Sugbo niadtong Dominggo ug

lakip sa uban pa nilang mga kalihukan karong semanaha.

Nia ang official statement sa TV5-Manila nga atong nadawat gahapon:

u201cDue to the impending supertyphoon, we are cancelling all our promo activities in Cebu this week. Our Cebu trip has been postponed. We still look forward to seeing you in Cebu when the weather clears up. Please wait for our further updates. Thanks. Let’s pray for everyone’s safety. Take care—Lhot Ortega.”

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph