Mas pili-on ang katawhan kay sa Mayor

HUGOT nga gihimakak ni Barangay Puntod Kapitan Marvin Beja nga usa siya sa kapitan nga gustong moluwat sa pwesto human sa pagkaparot sa iyang gidapigan nga nga kandidato nga mao si Mayor Vicente Emano batok sa kaatbang niining si Mayor-elect Governor Oscar Moreno.

Matud ni Beja nga nakurat siya pag-ayo nga naapil ang iyang pangalan sa listahan sa mga kapitan nga gusto mobiya sa pangatungdanan tungod lamang sa gidapigan nga mayor.

Pasabot niini nga gusto pa siya moserbisyo sa iyang katawhan sa barangay ug unsaon na lamang ang iyang gipanumpaan nga magsilbi sa barangay kung kini iyang buhaton.

Gipasabot niini nga tuod man dako kaayo ug natabang si Emano sa iyang barangay ug sa giingong kalamboan niini ug iyang gikasubo ang kapildihan niini apan iyang gibutyag nga kung papilion siya sa pagkakaron ngadto sa katawhan ug sa mayor mas pilion niyang padayunon ang pagserbisyo sa iyang mga residente.

Gibutyag usab niini nga ang mga nangawas nga taho intriga lamang ug posibleng gikan sa iyang mga kaatbang labina nga padangaton na usab ang eleksyon sa barangay.

u201cKining panerbisyo sa katawhan commitment kini ug padayon nga panglaantaw…bisan og wala si Emano akong protektahan ang barangay,” butyag niini.

Ang isyu nga pipila sa mga barangay kapitan ang miluwat sa katungdanan nagsugod dihang namahayag si Emano sa usa ka sibyaan sa radio.

Kahinumduman, una na sab gibutyag ni Barangay 23 Kapitan Jaime Frias nga wala usab siyay plano nga moluwat sa katungdanan susama sa iyang nadungog nga pipika ka mga kapitan ang mo resign tungod kay mas maapektuhan ang katawhan sa iyang barangay kon iya kining himoun.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph