HELLO friends, It's Monday! Kumusta atong mga panginabuhian diha? Hinaut nga maayo ang dagan sa atong panikay-sikay inubanan sa panalangin sa atong Diyos.
Adlaw nga Lunes karon, unang adlaw sa semana, ug unang adlaw sab kini sa atong bag-o nga topiko nga atong papulsuhan kaninyo.
Ang atong topiko karon labot sa gisugyot sa kadagkoan sa Social Security System (SSS) nga umentohan ang contribution sa mga miyembro niini sugod sa Enero sunod tuig.
Kini ang gibutyag ni SSS President Emilio de Quiros Jr. aron matubag sa ahensiya ang ilang unfunded liability sa umaabot.
Taliwa usab kini sa mga hugonhugon nga kutob na lang sa 2039 ang pundo sa maong ahensiya alang sa pension sa mga miyembro.
Ang salary loan kaniadto nga madawat labing dugay usa ka semana sukad sa pag-file, pero karon moabot na og usa ka buwan kay ang paghikay didto na sa Manila.
Balik sa dakbayan sa Davao, nagdasok kanunay ang mga miyembro sa ilang buhatan, kansang mga opisyal ug staff maglisud sa pagtubag sa mga suliran kay centralized na ang sistema.
Sa laing bahin, ang mao nga buhatan nagsugyot sa mga miyembro nga nahuman na sa pagbayad sa ilang premium payment nga rebyuhon ug i-update ang ilang pamaagi sa pagbayad subay sa new contribution rate ug maximum monthly salary credit (MSC) nga mo-epekto na sa bulan sa Enero 2014.
Mga higala, nia na ang tipik sa pamahayag sa SSS President ug ang atong nahinabi:
"The difference between the existing and new corresponding amount of contribution will be an underpayment on the part of the member who has paid in advance. With respect to the revised contribution schedule, a self-employed or voluntary member who remitted a minimum premium of P104 in advance for January next year will automatically incur an underpayment of P6 while the prescribed minimum contribution of P520 by an OFW will be short by P30." Emilio S. de Quiros Jr., SSS President and chief executive officer
r"Maayo hinuon kay kita lang man gihapon nga mga pobre maka-benepisyo ana nga pundo kung dili kawkawon sa mga kurakot nga politiko. Kung makita lang nato na nga pundo diha sa atong mga loans, okay kaayo aron modaku-dako sab ang atong loan sa SSS." Hizzil Dacillo, Self-employed, Isla Verde, Barangay 23-C Poblacion, Davao City