ADLAW nga Lunes karon, Marso 10. Paspas kaayo ang dagan sa panahon. Busa, atong pahimuslan ang mga nahibilin nga adlaw sa atong kinabuhi sa kalibutan.
Hapit na ang Araw ng Dabaw. Busa, daghan ang mosuroy nga mga bisita aron mosaksi sa mga aktibidad sa siyudad.
Sanglit daghang bisita nga mosuroy sa nagkadaiyang suok sa dakbayan, di nato pasagdan ang atong mga binuhing iro kay basin makapaak kini.
Atong tumanon ang gilatid sa ordinansa nga di pasagdan nga maglatagaw ang atong mga binuhing iro. Kay kung madakpan sa Animal Control sa siyudad, sigurado nga ipailawom kini sa Euthanasia o mercy killing, subay City Ordinance No. 1457 sa siyudad nga naningkamot makontrol ang rabies.
Ania ang pahayag ni Mayor Rody Duterte:
Hikti ninyo
"Mao nang kanang mga iro ninyo, hikti na kay mao nay mo-spread sa rabies. Kahibawo ko, masakitan mo kung mabingwit na sa taga Animal Control (of City Veterinarian Office). Grabe ang attachment ana, eh, labi na sa mga anak." Davao City Mayor Rody Duterte
Dapat responsible
"Okay lang na nga dakpon kay daghan gihapon ang napaakan sa iro. Mahal ra ba ang anti-rabies, so tama lang nga dakpon, kay kung responsable ka nga dog owner, dapat naa sa sulod lang na sa compound nimo ang iro." Dante Niday, 90.7 Love Radio
Uyon
"Uyon ko nga dakpon ug ipailawom sa mercy killing kay naa may city ordinance nato. Kung di ta gusto nga madakpan ang iro, ayaw gyud ninyo buhii." Roland Baliton, Radio Operator, dzRH Nationwide