Matud Nila: Unsay inyong tan-aw sa survey kabus mitaas?

HELLO friends! Unsay kasikas dihang dapita? Ugmang adlawa, Agosto na! Kadali ra sa panahon, noh, sama sa kanta nga 'Kagahapon Lamang' kay mora'g kagahapon ra man ang pagsulod sa bulan sa Hulyo?

Laing topiko atong hisgutan karon labot sa giingong pag-ubos sa kaso sa kapobrehon sa nasud.

Mao ba kini ang resulta sa gihisgutan ni Presidente Benigno Aquino III atol sa iyang State of the Nation Address niadtong Lunes sa hapon?

Atubangan sa mga mitambong nga mga magbabalaod, mga diplomatiko, dignitaryo ug uban pang mga bisita didto sa Batasang Pambansa Complex ug katawhang Pilipino nga milantaw sa telebisyon, gisulti ni PNoy ang mga proyektong napahimuslan sa katawhan.

Ang nasampit nga paglambo sa kinabuhi sa mga Pipilino gipamatud-an sa datus sa National Economic and Development Authority (NEDA) nga ang 27.9 porsiyento nga poverty incidence sa nasud sa unang semester sa 2012, miubos ngadto sa 24.9 porsiyento sa samang panahon niadtong 2013.

Giingon sab nga ang three percentage nga puntos niini kapareha sa halos 2.5 milyon nga Pilipino nga nakalabang na sa poverty line.

Tinuod ba kaha kining tanan? O kutob ra kini sa papel aron mapasiatab ang maayong pagdumala sa kasamtangang administrasyon?

Mga higala ania ang atong mga nahinabi:

Gitagad sa gobyerno

"Government has prioritized social protection programs to address the specific needs of families belonging to the lowest quintile that are most vulnerable. By investing in their development we enable them to join the mainstream in terms of job opportunities and higher quality of life," Communication Secretary Herminio Coloma Jr.

Kulang ang disiplina

"Ang disiplina ang mag-una sa atong tagsa-tagsa ka kinabuhi. Kasagaran naglisud ang mga Pilipino kay tungod sa pagtaas sa ihap sa populasyon. Nagkadaghan ang mga pobre kay tungog kulang sa disiplina kung unsa ang husto nga pagmugna og pamilya. Bisan og maglisod og buhi, magsige gihapon og panganak. Tapos ibasol sa gobyerno ang kahimtang sa ilang kinabuhi. Unsay ihatag nga trabaho sa ilaha kung sila mismo walay hustong edukasyon. Kini nahitabo karon di angay katuohan nga miubos ang ihap sa kabus, nagkataas hinuon." ~ Venuz Edad Ambo, Image stylist/make-up artist, Davao City

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph