Mayor milimod nga nakabahin pork barrel

MALALAG, Davao del Sur -- Gilimod ni Mayor Roel Paras nga apil siyang’ nakadawat og pork barrel human miguwa ang iyang pangalan nga naapil sa maong kontrobersya.

Nakadawat ang Sun.Star Superbalita og impormasyon gikan sa usa sa ka tinubdan nga giapil pag-imbistiga si Paras sa pagdawat og pork barrel.

Apan dihang gihinabi si Paras sa Superbalita ug 97.5 Muews Radio Digos niadtong Sabado sa hapon, gipanghimakak niya nga aduna siyay nadawat nga pork barrel.

"Natingala ko nganong nakaabot na sa inyo nga confidential man na, pero dili tinuod nga nakadawat ko," ni Paras.

Giangkon hinuon sa mayor nga gibisita siya sa Commission on Audit gikan sa kauluhang Manila aron pangutan-on sa isyu.

Subay sa impormasyon, adunay usa ka Non-government Organization (NGO) nga gipanag-iyahan ni Benhur Luy diin alegasyong nalambigit si Paras.

"Nakalimot ko unsa to nga NGO nga kang Benhur Luy daw, pero dili man na tinuod nga nakadawat ko," pasabot ni Paras.

Gituki sa taga-Manila ang pirma sa mayor sa pagdawat niini sa kontrobersyal nga pork barrel.

Apan matud sa mayor gi-forge ra ang pirma niini. (Orlando Dinoy)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph