Mayweather Sr. nagtuo Pacman maoy midaog

SA usa ka salikwaot nga senaryo, si Floyd May­weather Sr. midapig kang 8-time world champ­ion Manny Pacquiao.

Alang sa amahan sa higpit nga kaparang ni Pacquiao nga si Floyd Mayweather Jr., ang Pam­bansang Kamao sa Pilipinas mao gyud unta ang angayang midaog sa pagpakigbatok niini kang American Timothy Bradley kagahapon sa Las Vegas.

Wala man tuod si Floyd Jr. nakakita sa away gumikan kay kasamtangang kining nabalhog sa bilangguan, ang iyang amahan nahilakip sa mga nagpunsisok nga ningtan-aw sa away sa MGM Grand Arena.

Matod ni Floyd Sr. nga wala siya nag-iskor sa away sa matag round apan alang kaniya, tataw nga kontrolado gyud ni Pacquiao ang away.

“I thought Tim Bradley put up one helluva fight,” pasabot ni Floyd Sr. sa interbyu sa ESPN.com. “But I didn’t think he won the fight. I didn’t score the fight. I can just tell you, I knew Pacquiao won. I felt he won the fight. I felt like there was a gap, where you could see who was winning.”

Gitawag pa ni Floyd Sr. nga “tikasan” si Brad­ley.

Gumikan sa resulta, nakatakda ang rematch nila ni Pacquiao ug Bradley karong Nobiyembre 10 basi sa nakasaad sa kontrata.

Nakapatiglom kini’g samot sa poruhan nga madayon ang labing gikaintapang panagharong nila ni Pacquiao ug Mayweather Jr.

Sa pagtuo ni Floyd Sr., madayon ra gyud gi­ha­pon ang panagharong nila ni Pacquiao ug sa iyang anak sa ugma damlag.

“When [Mayweather and Pacquiao] are getting ready to fight, it’s going to be as big as ever anyway. When they fight, it’s going to be the biggest ever. I say when, because there’s a good possibility that fight will take place,” matod ni Floyd Sr.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph