MANDAUE City Police Office (MCPO) hatagan ni Mayor Jonas Cortes og mga motorsiklo agi’g pahalipay sa daling kasulbaran sa mga krimen nga nahitabo sa siyudad ilabi na ang pagtulis ug pagpatay sa usa ka drayber sa taxi.
Si Mayor Cortes niingon nga kon adunay nahimong sayop ang kapulisan angayan angayan lang kining sawayon, apan sa ila karong nahimong sunodsunod nga kalamposan pagsikop sa mga kriminal angayan lang usab nga ila kining daygon ug pahalipayan sa nahimo.
Nagkanayon si Mayor Cortes nga iya kining hatagang mga motorsiklo nga magamit sa kapulisan sa ilang mga operations.
Si Mayor Cortes niingon nga sukad pa kaniadto ang iyang administrasyon sento porsento nga nipaluyo sa kapulisan ilabi na kay ang iyang prayoridad mao gayod ang kahusayg sa iyang siyudad, diin ang kapulisan maoy gisangunan niini.
Sa iyang bahin, si MCPO Director Senior Supt. Noel Gillamac daling nipasalamat ni Mayor Cortes ilabi na sa laraw niining paghatag kanila og mga motorsiklo.
Apan giklaro ni Senior Supt. Gillamac nga ang daling kasulbaran sa kremin tungod usab sa pag-abag sa publiko.