USA ka journalist ang malampusong nasikop sa kapulisan tungod sa kasong lugos niadtong Martes sa gabii sa siyudad sa Davao.
Ang suspek gitago sa pangalan nga Rod, 49, buwag sa asawa, nagpuyo sa Puan, Davao City.
Nasayran nga ang akusado gireklamo sa iyang kaugalingon anak tungod sa pagpahimulos niya sa makadaghang higayon samtang nag-inusara sa ilang balay.
Si Rod gisikop subay sa gahum sa warrant of arrest nga gipaguwa ni Judge Arvin Sadiri Balagot sa Regional Trial Court Branch 17 sa Kidapawan City.
Aduna siyay duha ka kaso nga giatubang kabahin sa lugos ug attempted rape. Ang usa ka kaso walay piyansa nga girekomenda samtang ang usa dunay piyansang P200-mil.
Samtang gisuwat kining balita, si Rod gikustodiya sa Talomo Police Station. (Seth delos Reyes)