(Pasiuna: Kini ang atong apas-sumpay sa atong pagtubag sa suliran nga gipadangat kanato ni Kim of Panacan mahitungod sa iyang gusto ug natural nga mga pamaagi aron mawala ang baho sa kinatawo.)
DEAR Kim of Panacan,
Ania na kita sa ikaduhang hugna sa atong pagsumpay sa mga natural nga pamaagi sa pagpawala sa baho sa imong kinatawo.
Sa niagi, atong gibiyaan ang baking soda nga usa sa mga magamit nimo aron mawala ang baho sa kinatawo. Diri kita karon magsugod.
Ania ang imong angay nga buhaton gamit ang baking soda.
1.) Pagdugang og tunga sa tasa sa baking soda sa tubgo nga imong ikaligo.
2.) Ihumol ang ubos sa imong lawas sa maong tubig sulod sa baynte ka minuto.
3.) Paugha ang imong kaugalingon og maayo gamit ang limpyo nga tualya. Kining maong pamaagi makabatok sa inpeksyon sa yeast ug kini makatabang nga mawala gilayon ang baho sa imong kinatawo.
3. Yogurt
Kini ang laing maayo nga sangkap nga mamahimong magamit aron mawala ang baho sa kinatawo. Ang yogurt bahandianon sa lactobacillus nga bacteria nga makatabang nga mobatok sa inpeksyon sa candida nga usa sa pinakasagaran nga rason sa baho sa kinatawo. Ipabalik usab niini ang normal nga nibel sa pH sa kinatawo. Sa panahon nga mabalanse ang pH, ang baho sa kinatawo mawala.
Ania ang imong angay nga buhaton gamit ang yogurt:
1.) Kaon og duha ka tasa sa yogurt nga wala gitam-isan o plain lamang kada adlaw. Mamahimo usab nga moinom ka og mga suplemento nga probiotic.
2.) Ang laing pamaagi mao ang paghumol sa tampon sa plain nga yogurt ug isulod kini diha sa imong kinatawo. Pasagdahi kini sulod sa pipila ka oras ug banlawi ang maong dapit og maayo human nimo kuhaon ang tampon.
4. Puti nga suka
Ang puti nga suka adunay gahum aron mabalanse ang baho pinaagi sa pagpulpog sa protina sa baho. Ang pagbanlaw gamit ang puti nga suka makapawala sa baho sa kinatawo. Makatabang usab kini nga mahibalik ang nibel sa pH sa kinatawo.
Ania ang imong angay nga buhaton gamit ang puti nga suka.
1.) Isagol ang tunga sa tasa sa puti nga suka ug asin sa inadlaw nga tubig nga pangkaligo.
2.) Paghumol niini sa pipila ka minuto.
3.) Sunda ang maong pamaagi pipila ka beses sa usa ka semana.
4.) Lana sa tea tree o tea tree oil
Ang lana sa tea tree adunay kusgan nga pangbatok sa fungus ug kagaw ug kini usab makatabang nga mawala ang dili maayo nga baho sa kinatawo. Kini makatabang nga mawala ang kagaw nga maoy nisalmot sa imong problema.
Apan tungod kay ubay-ubay pa gihapon ang atong pagahisgutan, tugoti na usab ako nga pagasumpayan ta kini sa sunod nga edisyon ning atong patik. Hangtud na usab sa sunod!
Dr. Fritz
(Alang sa inyong mga sulat-suliran, mamahimo kini ninyong ipadala sa Dear Dr. Fritz, c/o Sun.Star-Davao Publishing Inc., Ebro-Pelayo Building, Jacinto St., Davao City, (former Department of Foreign Affairs office), across Ateneo de Davao University and beside Holy Child School of Davao, o i-e-mail kini sa dokfritz@yahoo.com. Ang dili magpamantala dili matubag!)