(Pasiuna: Kini ang apas-sumpay sa suliran nga gipadangat kanato ni Sepertina of Cabantian mahitungod sa iyang suliran sa migraine nga magbalikbalik lamang gihapon bisan pa og naga-inom na siya og mga tambal.)
DEAR Sepertina of Cabantian,
Sa pagpadayon sa atong pakigbugno sa imong sitwasyon, importante usab nga himuon nimo ang mosunod:
Sa pagkaon, bantayi gayud ug basaha ang nasulat nga listahan sa mga sangkap sa imong ginakaon. Ang kasagaran nga maoy hinungdan sa pag-atake mao ang MSG, kun monosodium glutamate ug nitrites.
4. Paglihuk-lihok
Ang kada adlaw nga pagpasingot nagpakita nga makatabang sa daghang mga tawo nga adunay migraine, ilabi na kung ilang gisugdan ang ilang adlaw niini.
Gani, ang nagkadako nga lawas sa ebidensya nagasugyot nga ang yoga, partikularmente, makatabang gayud sa maong sakit.
Apan, kining pagpa-ugnat sa kusog mamahimo usab nga mopukaw sa migraine sa ubang mga tawo. Ang isyu usahay mao ang paghimo og paspas ug grabe nga ehersisyo o pagka-uga tungod sa pagpasingot. Mao nga himoa lamang ang ehersisyo nga dili grabe ug siguradoha nga mo-inom ka og tubig usa pa sa pagpasingot ug human niining pisikal nga gingbuhaton.
Kung dili ka man aktibo, mamahimo nga mangutana ka sa imong doctor usa ka mosugod og bag-ong programa sa pagpasingot.
5. Pakubsa ang stress
Kining stress mao ang pinakadako nga estilo sa kinabuhi nga nahilambigit kining migraine. Dili man nato malikayan kining tanang stress, apan anaay mga butang nga mamahimo nato nga mabuhat niini.
Pagkat-on sa mga teknik aron madumala kining stress, susama sa biofeedback, meditasyon, ug mga estratehiya sa pamatasan. Importante gayud kini kung kanunay ka atakehon sa imong migraine.
Ang pagsulat usab sa diary ang pinakamaayo nga pamaagi aron malikayan nimo ang mga pag-atake niining migraine. Kini aron matino kung unsa ang mga makapapukaw sa imong migraine. Mao nga mamahimo nimo nga buhaton ang mosunod:
u2022 Kada adlaw isulat kung unsa ang imong gikaon ug giinom ug kanus-a, o kung ikaw nag-ehersisyo, o oras sa imong pagmata ug pagkatulog ug bisan unsa nga stress nga imong nasinati.
u2022 Imo usab nga i-rekord kanus-a ka gi-atake a migraine. Human sa pipila ka semana, mahimo na nimo nga sugdan og tan-aw ang agi diha sa imong diary.
Kadaghan sa mga tawo masuta nila nga wala ni usa sa mga natino nga mga makapa-aghat ang mo-igo kanila. Ug ang uban nga makapapukaw sa maong sakit, wala silay mabuhat. Pananglitan, kung makasabay ka og tawo sa jeep o sa bus nga dili maayo og baho, o sakit sa ulo ang pahumot.
Apan, matino lamang nimo gihapon ang mga estilo sa kinabuhi nga makapapukaw sa migraine nga mamahimo nimo nga mabag-o - susama sa imong pagkaon, sa imong pagkatulog. Ug diri mamahimo nga makakuha ka og alibyo. Good luck!
Dr. Fritz
r(Alang sa inyong mga sulat-suliran, mamahimo kini ninyong ipadala sa Dear Dr. Fritz, c/o Sunstar-Davao Publishing Inc., Ebro-Pelayo Building, Jacinto St., Davao City, (former Department of Foreign Affairs office), across Ateneo de Davao University and beside Holy Child School of Davao, o i-e-mail kini sa dokfritz@yahoo.com. Ang dili magpamantala dili matubag!)