Menor gipusil, wa maigo

SUWERTE nga naluwas sa tinong kamatayon ang usa ka menor de edad human nga wala maigo sa pagpusil kaniya didto sa Muslim Village, San Rafael, siyudad sa Davao.

Nahitabo ang pagpamusil alas 12:30 sa tungang gabii niadtong Lunes.

Ang biktima giila lang sa pangalan nga si "Angel" (kay menor), 17, Grade 6 pupil, usa ka laborer ug nagpuyo sa maong lugar.

Sa blotter sa kapulisan sa San Pedro Police Station, nasayran nga naglakaw lang ang biktima sa nahisgutang lugar gikan nakig-inom sa mga higala sa dihang kalit nga gihunongan og usa ka motor.

Mikanaug ang drayber sa motor ug mihulbot og wala matinong kalibre sa pistola dayon pusil sa kaniya.

Apan igmat nga nakalikay si "Angel," dayon dagan sa eskinita nga bahin sa maong lugar.

Gigukod siya sa suspetsado apan maayo na lang kay nakatago siya sa usa ka balay.

Ang suspetsado kinsa gihulagway nga nakasul-ob og bonnet misibat sakay sa motor padung sa wala matinong lugar.

Padayon pa nga giimbestigahan sa kapulisan ang hitabo ning panahona. (Blue Cordero)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph