Mga armas, eksplosibo nasakmit sa militar

DAVAO ORIENTAL -- Duha ka improvised explosive devices ug usa ka high-powered firearm uban ang M203 grenade launcher ang narekober atol sa engkwentro tali sa sundalo ug Organized Crime Group (OCG) alas 10:35 sa buntag niadtong Sabado didto sa Sitio Barobo, Barangay San Isidro, lungsod sa Lupon.

Matud ni First Lieutenant Rodel Daguio nga samtang padulong sila sa sunod outreach program, ilang na-engkwentro ang kapin 20 ka mga armadong grupo.

Way namatay o nasamdan sa mga sundalo samtang wa pa nasuta kon pila ang naigo sa rebelde tungod kay dunay nakitang dugo sa lugar nga giagin sa mga rebelde kinsa misibog human 30 minutos nga pinusilay.

Una niini, gipahayag ni Brigadier General Leonido Bongcawil, commander sa 701st Infantry Brigade, nga dunay pipila ka report nanggawas nga mangatake ang armadong grupo.

Kahinumduman, niadtong milabay semana ang maong rebeldeng grupo miatake sa plantasyon sa Sumifru sa Mawab nga miresulta sa kamatayon sa unom ka rebelde ug nakuha ang 6 nga de kalebreng armas.

"The 10th ID will continue to thwart terror attacks such as land mining in order to perform its mandate to serve and protect the people," ni Bongcawil.

Tungod niini, nanawagan sab si Lieutenant Colonel Leopoldo Imbang Jr., commander sa 28IB, sa katawhan sa Lupon nga magma-igmat sa lugar hilabina nga naga-atake ang maong rebeldeng grupo. (Alger P. Dura)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph