Mga BEI mireklamo

DAGHANG mga Board of Election Inspectors (BEIs) sa nilabay nga eleksyon niadtong Mayo 13 ang nireklamo tungod kay hangtud karong panahona wala pa nila madawat ang ilang honorarium.

Gani dako ang ilang kabalaka sa nadungog nga taho nga sa bulan sa Enero 2014 pa nila kini madawat.

Apan gibutyag ni Cagayan de Oro City Comelec Officer Palmer Palamine nga walay kamatuoran ang taho nga sa Enero pa madawat sa mga BEIs sa siyudad ang ilang honorarium nga tag P4 mil.

u201cDili kana tinuod ang report nga sa January pa nila makuha. Sobra na pud na. Basta ang akong mahimo mao yud ang pag-follow up,” butyag ni Palamine kinsa kasamtangan nga anaa sa kaulohan aron sa pag-follow-up sa suholan sa mga BEIs. Dugang niini nga ang pag-follow-up ra gyod iyang mahimo ug wala nay lain.

Gani kanunay nga moreklamo ang pipila ka BEI,s sa mga sibyaan sa radio apan dili matubag sa Commission on Election.

Pasabot sa pipila ka BEIs nga dili tiaw ilang gihimong sakripisyo ug gani wala silay tulogay panahon sa eleksyon ug daw gi-promise pa kanila nga ihatag niadtong Huwebes apan niabot na lamang karong adlawa wala pay nadawat ang pipila.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph