Mga drug pushers nanglayas sa Isla Verde

NAMALHIN na sa ilang transakyon sa ilegal nga druga ang mga drug pushers sa Isla Verde, Barangay 23-C Poblacion, human nasunog ang walo ka ektarya nga kabalayan niadtong Abril 4 ning tuiga.

Gisulti ni Police Superintendent Royina Garma, hepe sa Sta. Ana Police Station human, nga ilang namatikdan ang pagkunhod sa ilang mga nadakpan nga mga nagpayuhot og druga sa iyang area of responsibility.

Sa eksklusibong pakighinabi sa Superbalita kagahapon, gisulti ni Garma nga namalhin sa mga barangay ang dagkong mga nagpasiugda niini sa dapit.

"After nung sunog, may information tayo na natanggap na lumipat 'yung mga malalaking sindikato ng shabu at marijuana," ingon ni Garma.

Gidugang niini nga nahimo og sanga-sanga nga pagbaligya sa druga ang dagkong nagpayuhot sa Barangay 23-C ngadto sa ubang barangay.

"Dito sa Boulevard area, especially sa Isla Verde, after sa sunog gumawa sila ng networking ng shabu sa ibang barangay, kaya dun na nahuhuli sila," dugang niya.

Ang pagkunhod sa ilang mga dinakpan nagpakita lamang sa ilang pagpakusog sa kampanya sa ilegal nga druga.

"Indikasyon lamang ito na hindi talaga natin tinantanan ang paghuli sa mga suspek na involve sa ganyan activity," panapos sa opisyal.

Subay sa maong balita, sa lugar sa San Pedro Police Station mokabat na sa 15 ka mga tawo ang nasikop sa sunod-sunod nga buy-bust operation sud sa lima ka adlaw nga paglingkod sa bag-ong hepe nga si Police Senior Inspector Ronald L. Lao.

Mokantidad sa P1,050,000 kantidad sa shabu ang pinakadako nga ilang nasakmit Dominggo sa hapon.

Sunod-sunod sab ang buy-bust operation sa mga nanglabay nga adlaw sa Toril PNP, Talomo PNP ug Bunawan PNP.

"Marami tayong na-accomplished ngayon, ibig sabihin na-delivered talaga ang mensahe na we are very serious on the drive againts illegal drugs through the help of our local government and barangay communities," ingon ni Police Superintendent Manuel Marvin Pepino, officer-in-charge sa DCPO, dihang gihinabi sa Superbalita. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph