Mga manindahay pabalhinon kay merkado kuyaw

GUMIKAN sa kadelikado nga gamiton sa nasunog nga merkado sa dakbayan sa Mandaue nga giukopahan gihapon hangtod karon, ang mga manindahay gimandoan sa pagbalhin sa labing dali nga panahon.

Si Engr. Jimmy Vasquez, adviser ni Mayor Jonas Cortes sa mga infrastructure project, nibutyag nga gikinahanglang bakantihan ang ilawom sa estraktura tungod kay nagsige na kini og kauyog ug kuyaw nga mahugno.

Nasayran nga mao usab kini ang rekomendasyon sa City Engineering Office human usab sa ilang pakisusi.

Ang pagpabalhin sa mga manindahay taliwa sa gikatakda nang pagpabalhin kanila sa bag-ong ug modernong gitukod nga merkado sa Mandaue karong Nobyembre.

Gibutyag ni Vasquez nga posebling adto sila ibalhin sa luna tupad sa karaang ihawan sa Barangay Centro gihapon nga duol sa Cebu International Convention Center (CICC).

Matod niya nga bisan og duol na lang kaayo ang Nobyembre aron mobalhin sila sa bag-ong merkado, di na sila makapaabot niini tungod kay ang gihuna-huna ni Cortes mao man ang seguridad sa mga manindahay ug sa mga mangumpra. 

Si Cesar Mercadal, market administrator, nipakita sa mga haligi sa merkado nga kuyaw nga mahugno.

Iyang gitataw nga di tanang manindahay ang ilang balhinon sanglit 80 ngadto lang sa 100 sanglit ang naa lang sa bugasan, kan-anan ug mga utanan.

Nasayran ang kagamhanan sa dakbayan sa Mandaue nagpatukod og modernong merkado nga mokantidad og kapin sa P30 milyones nga mahimo nang balhinan sa Nobyembre ning tuiga.

Ang maong merkado moderno na kaayog mga kahimanan sama sa mga storage sa karne, isda, ug mga utanon.Gani ang parking lot niini nahimutang sa rooftop ug adunay kaugalingong water treatment facilities.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph