Mga opisyal di makatuo sa kapildihan ni Pacman

“IT'S unbelievable judgment”

Kini ang paghulagway ni Mayor Michael Rama sa pagkapildi ni Manny Pacquiao batok kang Timothy Bradley sa MGM Grand Las Vegas Nevada kagahapon.

Matod ni Rama nga wa siyay pagduda nga nidaog gyud si Pacquiao sa pagdepensa sa iyang World Boxing Organization (WBO) welterweight title sa ilang away diin siya napildi ubos sa split decision 115-113 pabor kang Bradley.

Gipasabot sa mayor nga di lisod dawaton ang kapildihan basta klaro nga dehado sa away apan sukwahi ang nahitabo diin si Pacquiao maoy nagdala sa away ug maoy mas daghan og solid punches nga napasulod.

Si Bise Mayor Joy Young wa giha­pon mawagtangi og paglaum ug masak­mit ra gihapon ni Pacquiao ang iyang nalabning kadaugan.

“Well everything can’t last forever he’s getting older. Opponents getting younger but he has chance to regain his glory and become even bigger. You have to go down and go up,” Matod pa ni Young .

Si kanhi Konsehal Jack Jakosalem, sakop sa Hunta sa Citom, hugot sad sa iyang pagtuo nga gitikasan si Pacquiao.

“Klaro kaayo nga daug si Pacquiao, sa compu box resulta na lang daan bi­sag mas daghan og sumbag ni Bradley, mas daghang power punch si Pacquiao nga nakaigo. Dili malalis nga kina­hanglan gyud mag-rematch sila. Bradley-Pacquiao 2 or nothing!” pasabot ni Jakosalem.

“What we perceived as our worst moment of defeat could be our best opportunity to shine. Ato ipakita sa tibuok kalibutan nga andam pud ta modawat sa atong kapildihan inubanan sa tumang pagpaubos,” matod ni Konsehal Alvin Dizon.

Si Pacquiao nidawat og nitahod sa hukom sa mga hurado ug andam makig-rematch ni Bradley sa Nobiyembre ning tuiga.

Related Stories

No stories found.
SunStar Publishing Inc.
www.sunstar.com.ph