MIHATAG og pamahayag si Cagayan de Oro City Jail Superintendent Erwin Kenny Ronquillo human ang mga sakop sa grupong Batang Mindanao (BM-29) ang mihimo og hunger strike sa tinguhang madungog ang ilang yangongo.
Una gibutyag niini nga alerto sila pinaagi sa pagpadala og Special Tactics and Response Team (STRT) gikan sa Bureau of Jail Management and Penology in Northern Mindanao region (BJMP-10) aron madungangan ang ilang armed personnel.
Mas ila kining gikinahanglan labina sa gihimo sa grupong BM-29.
Iya usab gipasabot nga wala siya kasayuran sa plano sa grupo tungod kay nakurat na lamang siya sa presesnya sa mga sakop sa prensa niadtong Lunes nga bout siya nga interbyuhon.
Usa sa reklamo sa grupo mao ang dugay nga rasyon sa pagkaon ug giklaro ni Ronquillo nga aron dili kini madugay ilang gitangtang ang tigluto niini ug labaw sa tanan daw dili kaayo luto ang isilbi ngadto sa mga piniriso.
Kung kanhi kahoy ang gigamit sa pagluto karon giilisan na og LPG.
Daw usa sa gitouhang rason ni Ronquillo nganong gihimo kini sa grupo tungod kay daghan gyod siya gidili sulod sa prisuhan labina ang pagamit sa cellphone, lakip usab sa iyang gidili mao ang maong mga hait nga hinagiban, illegal nga druga ug uban pa.
Gikasuko usab sa BM-29 ang dili pagpasulod sa pamilya nga mga minor de edad o mga bata pa apan anaa gyod sa pulisiya nga gidili sila sa area.
Gipasabot usab niini nga ang BM-29 maoy labihan ka mga demanding sa tanan nga mga piniriso.
Gani usab ka ordinaryong piniriso ang nisulti nga wala sila miapil sa hunger strike tungod kay buot huna-hunaon daw maayo ang pagpalakad ni Ronquillo sa sulod sa prisuhan ug disiplinado kaayo kini.
Hinuon ang Commission on Human Right misusi usab sa reklamo sa grupo ug gikatakdang moimbestigar niini.
Kahinumduman niadtong Lunes wala na gidawat sa gurpong BM 29 ang rasyon ug wala na miuban sa ilang hearing sa Hall of Justice ug nipaabot nga buot nilang ipapahawa isip jail warden si Ronquillo.
Si Ronquillo misulod isip bag-ong warden niadtong bulan sa Pebrero. (SVB)