Mga Pinoy dismayado

DISMAYADO ang mga Pilipino sa nahimong desisyon sa mga boxing judges sa pagkapildi ni Manny Pacquiao nga nahulog sa split decision aron mahimong bag-ong kampeyon ug mailog ang korona ni Timothy Bradley.

Gikan sa mga balay, mga establisyemento, sinehan, mga gym nga naghatag og libreng tan-aw sa mga daghang residente, usa lang ang nabati mao ang pagkaguol ug di madawat ang kapildihan sa Pinoy superstar.

Di makatuo ang tanan nga luyo sa gidomina ni Manny ang entero 12 rounds gihatag sa duha ka judges ang daug kang Bradley.

Matud nila veteran broadcaster ug journalist Ronnie Nathanielsz ug boxing expert Atty. Ed Tolentino dunay nahitabong tikas sa judging sa Las Vegas.

Bisan sila sa ilang unofficial scorecard gidomina ni Pacman ang mga rounds.

Ug matud pa, bisan sa uwahing tulo ka rounds kang Bradley, apan sa kinatibuk-an daug gihapon sa iskor si Manny.

"He won the fight but it was stolen from him," ni Ronnie.

Gihulgway sab nila ang mood sa MGM Grand Arena nga bisan ang mga langyaw nagkantiyaw ug way hunong sa pag-boo dihang gi-anunsyo ang resulta.

Dako ang ilang pagduda nga dunay "mafia" nga mga sugarol sa Las Vegas. Samtang gibutyag ni Pacquaio nga girespeto niya ang nahimong desisyon sa mga hurado.

"It's part of the game. I don't blame them," ni Pacquiao.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph