Mga responders sa Iligan giandam na

ILIGAN CITY -- Gikumpirma ni Macky Macapagal, ang Disaster Risk Reduction and Management action officer ning dakbayan sa Iligan, nga gi-andam na sa kagamhanang lokal ning dakbayan sa Iligan kagahapon pa ang mga kagamitan o ekipo sa pagresponde sa ilang buhatan.

Kini sama sa mga rubber boats, dump trucks ug uban pa’ng mga heavy equipment sa City Engineer’s Office (CEO).

Aminado si Macapagal, nga adunay mga kakulangon sa mga kagamitan sa siyudad, apan mahulipan gihapon ang kini pinaagi sa mga kagamitan sa Philippine National Police (PNP), Armed Forces of the Philippines (AFP), Bureau of Fire Protection (BFP) ug Philippine Coast Guard (PCG).

Kaganinang buntag, gipahigayon ang coordination meeting ug capacity assessment sa mga Iligan City Disaster Risk Reduction and Management Council (ICDRRMC) sa mga barangay nga delikado kanunay sa pagbaha matag higayon nga mokusog ang ulan.

Kauban sa maong panagtago ang ubang responding team sama PNP, AFP, BFP, PCG, City Social Welfare and Development (CSWD), Department of Interior and Local Government (DILG) ug uban pa.

Ugma sa buntag usab ipahigayon ang full council meeting sa Iligan City Disaster Risk Reduction and Management Council (ICDRRMC).

Kung kahinumduman nga niadtong Disyembre 3, Miyerkoles, pa nagpagawas og kamandoan si Interior Secretary Mar Roxas ngadto sa tanang mga provincial governors, city mayors, municipal mayors, punong barangays ug mga DILG directors sa paghimo na sa pagpangandam sa pag-abot sa bagyo. (Divina M. Suson/MUEWS Radio 97.5 FM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph