Mike, Gwen moadto sa Vatican atol sa canonization ni Pedro

SILA si Cebu City Mayor Michael Rama ug Cebu Governor Gwendolyn Gar­cia moadto sa Vatican aron pagtambong sa canonization ni Beato Pedro Calungsod.

Ang duha ka mga opisyal nalipay kaayo sa pagpahibawo sa Vatican nga si Calungsod usa sa sa mga i-canonize unya sa Oktubre 21.

Samtang ang mga dakbayan sa Lapu-Lapu ug Mandaue motabang sa pag-raise og funds alang sa mga kalihukan pagselebrar unya sa pag-canonize ni Calungsod.

Si Rama nipadayag nga moadto siya isip mayor sa dakbayan sa Sugbo apan di kinahanglan nga iyang gamiton ang kwarta sa Cebu City Hall.

Matod pa sa mayor nga way katarungan nga di siya moadto sanglit ang ordinaryong mga tawo, ubang pulitiko gawas sa Sugbo motambong man gani sa pag-istalar sa Sugbuanong katekista ug martyr, siya pa kaha.

Gisaysay ni Rama nga niadto usab si kanhi Mayor Alvin Garcia sa Vatican sa pagdeklarar ni Calungsod nga Balaan sa panahon ni Pope John Paul II, 12 na katuig ang nakalabay.

Wa sab mosulti ang mayor kon magkuyog ba sila sa gobernador sa pagtambong sanglit wa pa man sila magka-estorya.

Samtang sa laing bahin, way problema alang ni Rama ang sugyot nga adto ipahigayon sa South Road Properties ang dakong selebrasyon sa Sugbo sa pagkasantos na unya ni Calungsod sa Oktubre 21, subay sa deklarasyon ni Pope Benedict XVI.

Makapasigarbo

Samtang gihulagway ni Garcia nga bulahan ang Sugbo nga makabaton unya og ikaduhang Filipino saint.

Alang sa gobernador nga dakong garbo ug grasiya sa Sugbo ang pagkahimo unya nga santos sa Sugbuanong martir tungod kay di sa tanang higayon nga maapil ang pangan sa usa ka lugar ngadto sa pangan sa mahimong santos.

u201cWe are truly blessed. And we feel very very proud to have a 2nd Filipino saint soon to be canonized...How blessed are we Cebuanos,” padayag ni Garcia atol sa press conference sa Kapitolyo kagahapon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph