MILF nasagmuyo sa gobyerno?

CAMP DARAPANAN, Maguindanao Province - Gikanayon ni Moro Islamic Liberation Front 1st Vice Chairman for Political Affairs Ghadzali Jaafar nga nasuko ang Bangsamoro leaders sa mga rason ni Office of the Presidential Adviser on the Peace Process Secretary Teresita Deles.

Matud ni Jaafar nga undangan na ni Deles ang iyang rason kabahin sa hisgutanan sa Bangsamoro Framework Agreement.

Giklaro ni Jaafar nga dili na niya gusto nga madungog ang katin-awan ni Deles sa BBL.

Dili sab gusto ni Jaafar nga mamulong kabahin kang Pangulong Benigno Aquino lll gumikan dili niya gusto nga masakitan ang emosyon sa Presidente.

Nasayran nga nagduha-duha na karon ang MILF kon kanus-a mahimong pinal ang hisgutanan sa BBL ug nagkanayon, "aanhin pa ang damo kung wala na ang kabayo."

Dili sab mabasol ni Jaafar ang mga Bangsamoro leader gumikan dugay na kining naghulat ug nagtrabaho sulod sa 37 ka tuig aron makab-ot ang kalinaw sa Mindanao.

Tubag sab ni Deles nga wala pay time frame kon kanus-a matapos ang panghinabing pangkalinaw sa Mindanao tali sa gobyerno ug MILF.

Sa pagkakaron gikabalaka sa katawhan ang posibleng pag-ulbo sa kagubot sa Mindanao sa pagkalangan sa BBL. (Edgar Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph