Military operation padayon

COTABATO CITY - Walay mahitabong suspensiyon sa military ug police operations batok sa mga komunistang rebelde panahon sa Semana Santa.

Kini ang gibutyag ni 6th Infantry Division Public Affairs chief Colonel Prudencio Asto.

Dugang pa niya nga mas gipahugtan pa nila ang ilang pagmonitor batok sa mga teroristang kalihukan aron nga di kini makahimo sa pagsabotahe sa tinuig nga kalihukan sa Simbahang Katoliko.

Gitin-aw sab sa opisyal nga nagpadayon sab karon ang ilang gihimong Peace and Development Outreach Program sa katawhan.

Puno pa ni Asto nga andam na sab karon ang ginsakpan sa Philippine Navy ug Air Force aron nga moabag sa pagbantay sa mga simbahan ilabi na sa mga lugar sa siyudad sa Cotabato, apil na mga tugpahanan, pantalan ug mga tourist destinations nga sagad bisitahon sa daghang mga tawo.

Gibantayan sab sa militar ang Mount Apo gumikan sa pagdagsa sa mga tawo nga mosaka sa maong lugar ning panahona. (Edgardo Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph