Mipusil, mitigbas og 5 ka tawo, napatay

USA ka ex-convict nag­humentado, lima ka tawo gipamusil ug gitigbas, apan usa sa iyang biktima nisukol, hinungdan napatay kini niadtong Huwebes sa alas 6:00 sa gabii sa Sitio Artiwi, Barangay General Climaco, dakbayan sa Toledo.

Si Felipe Catubis, 30, ulitawo ug ex-convict sa kasong frustrated murder, nasiak ang ulo ug ubang parte sa lawas dihang gitigbas og piko sa iyang silingang si Angie Suico, 31, minyo ug usa ka mag-uuma.

Si PO2 Carlos Baluado sa Toledo Police Station nagkanayon nga unang nag-amok si Catubis, mga ala 1:00 sa kaadlawon niadtong Huwebes diin una niyang gipusil ug gitigbas ang ig-agaw nga si Mary Cris Macalipas, 22, ug minyo.

Si Mary Cris nagbantay sa iyang anak nga usa ka bulan sa sulod sa ilang panimalay dihang gikalitan og pusil sa suspek tumong sa bukobuko niini ug gitigbas sa siko.

Ang suspek nilahos sa panimalay sa laing ig-agaw nga si Marlina Catubis Sagumis, 42, kinsa gitigbas sa agtang ug nagkaiyang bahin sa lawas ug gitigbas ang anak nga si Marlene, 19, ug dalaga.

Wa matagbaw, nilahos sa panimalay sa iyang ig-agaw nga si Marcelo Capacite, 45, mag-uuma ug gitigbas sab sa iyang bukton.

Suwerte ang upat ka mga biktima human naluwas nga giatiman sa mga doktor sa usa ka tambalanan sa dakbayan sa Sugbo..

Nakuyawan ang kabanay ug mga silingan nga makahimo pa kini og laing krimen sanglit nagbabhas kini nga nagdalag sundang, plamingko ug armas hinungdan nga gidali nila sa pagtaho sa kapulisan.

Si Supt. Ricky Delelis, hepe sa Toledo Police, nagkanayon nga nipahigayon og hot pursuit operation ang kapulisan batok kang Catubis.

Apan kalit kining nahanaw ug naabtan na lang anbg kapulisan sa hapon busa nibalik sa ilang buhatan nianang alas 3:00 pasado sa hapon naidtong Huwebes.

Gipadayag niini nga gisuhid nila sa pagmaayo ang mga dapit nga tagoan sa suspek apan wala makita.

Sa pagka alas 6:00 sa gabii, nakadawat sila og taho nga nanigbas na usab kini didto gihapon sa ilang lugar pero gidimalas kay napatay siya human nisukol ang iyang silingan.

Matod pa nga sa pag-abot nila sa lugar nitahan si Angie Sucio, kinsa samaran sa iyang tuhod, ug agtang dihang gidunggab sa suspek nga si Catubis, nga patay na didto sa lugar.

Si Delelis niingon nga si Catubis naabot sa panimalay ni Suico ug nag­ngayog tubig kay giuhaw hinungdan nga gihatagan ni Suico.

Apan human sa pag-inom kalit lang mibunot sa iyang .38 revolver gipusil si Suico, suwerte kay niungot ang bala diha sa barrel sa psitola.

Si Catubis, mibunot gilayon sa sundang gihapsan makatuko ka higayon si Suico, kinsa nakalihay dihang gitukmod nahitabo ang ilang nilayugay.

Si Catubis nibunot sa iyang plaminggo samtang naglayugay nadunggaban si Suico sa iyang tuhod ingon man sa iyang agtang hinungdan nga naningkamot nga makabuhi.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph