Motocross sa Pagsabungan

NATUMAN na ang damgo ni Keiz BJ big boss Siegfred Ornopia nga makakita og luna aron pahigayunan sa iyang mga lumba ug nahimutang kini sa Upper Pagsabungan, Mandaue City.

Karing Abril 26 subhan ang maong luna pinaagi sa pagpahigayon sa 2011-2012 Season Round 5 Keiz BJ Motors & Phoenix Cyclomax Titan Invitational Motocross.

“Dako gyud akong pasalamat sa pamilyang Mahusay hilabi na ni Jun. Pasalamat gyud ko nila kay gitugtan ko nilang gamiton ang bakanteng lote alang sa among lumba,” matod ni Ornopia.

Gipasabot ni Ornopia nga uwan ug init, padayon gyud nilang gitrabaho ang racetrack aron makaabot kini sa eskedyul.

Labing inilog sa lumba mao si Jonjon Adlawan apan dili sab gyug magpabitin sila si Dondon Yuson, managsuong Juvenelle ug Jovannie Abellar, Pepo Rubi, Cyril Tariman, Janjan Baluyos ug Wilbert Maraño.

Manganhi sab ang riders gikan sa laing dapit sama nila ni Wilson Farmorca sa Iloilo City ug Fil-Am Remi Scott sa Dumaguete City.

Si Rey Quirol sa Liloan makigtakus sab ni James Mayol sa Talamban ug ubang riders ubos sa beginners production.

Ang mga anak ni Siegfred nga sila si Brylle ug Kenken Ornopia mopakita sab og aksyon sa tagsatagsa nila ka kategoriya.

Ang lumba, nga tipik sa mga kalihukan sa piyesta sa Birhen sa Lourdes karong Pebrero 25Alang sa dugang mga detalye, mahimong motawag sa 0923-8290932, 360-2873.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph