Motorsiklo nabangga sa tulay; 2 angol

NATANGTANG ang ilong ug samad sa ulo ang naangkon sa duha ka mga lalaki human nabangga sa tulay ang gisakyan nga motorsiklo niadtong Domingo mga alas 11:30 sa gabii sa Malitbog, probinsya sa Bukidnon.

Giila ang mga biktima nga mao sila si Arnold Licot, 28 ug Edison Faigmani, 22, pulos taga Poblacion, susamang lungsod.

Nasayran nga gikan pa sa lungsod sa Tagoloan ang mga biktima dihang nahitabo ang indiente.

Pauli na kini nga pulos apektado og ilimnong makahubog niadtong tungora.

Ang driver nga si Licot ang nawd-an og brake ug maayong pagbarag sa motorsiklo miresulta sa pagkabangga niini sa tulay maayo na lamang nababagan sa railing ug wala kini nahulog.

Tungod sa kakusog sa impak, samaran ang mga biktima diin sobrang apektado si Licot human natangtang ang ilong, dako nga samad sa ulo ug grabeng bun-og sa lawas.

Si Faigmani usab nakaangkon og pangos sa lain-laing parte sa lawas ug samaran gihapon ang ulo.

Girespondehan ang mga biktima sa mga nagpakabanang barangay opisyal sa lugar ug gihatod sa Northern Mindanao Medical Center (NMMC) ning siyudad sa Cagayan de Oro.

Mga biktima padayon pa nga giobserbahan sa mga doktor ning panahona. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph