Moulic kompiyansang modaug

DAKO ang kompiyansa sa banggiitang pambato sa Dabaw sa natad sa chess nga si Ella Grace Moulic nga modaug sa 14th ASEAN Age Group Chess (AAGC) didto sa Chang Mai City, Thailand ug 2013 Asian Youth Chess Championships (AYCC) sa Mashhad City, Iran.

Kini ang pahayag sa 14 anyos, 3rd high school student sa Holy Cross of Davao College atol sa Davao Sportswriter Association Forum didto sa Calle Cinco, Bajada niadtong Huwebes.

"Confident ko modaug kay posible nakalaban nako dati kay mao gihapon akong makalaban karon," ni Ella.

Si Moulic makigtigi sa 16 under girls category sa AGCC ug AYCC nga dulaon sa Hunyo 5 hangtud 14 ug Hunyo 20 hangtud 27 sa maong han-ay.

Human nagkampeyon siya sa 2013 National Age-Group Chess Championships sa Taguig City niadtong Abril 6 hangtud 14.

Dugang ni Ella, preperado na kaayo siya diin nagabansay siya ilabi na sa mga bag-ong taktika kauban ang iyang amahan ug coach nga si Alfred Moulic.

Gawas kang Moulic, moduwa sab sa duha ka torneyo ang laing pambato sa siyudad nga si Austin Jacob Literatus. (MSR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph