Nadela: Dili malung-ag ang impeachment

DAGHAN gihapon ang wa makasabot sa nagpadayon karon nga impeachment trial didto sa Senado. Di ko kabasul kong ngano. Sa mga nakasabot dunay nipabor, duna sa’y nisupak. Ang uban deadma, way pagpakabana.

Ang gisulti sa uban ma­ayo unta og malung-ag pa nang impeachment kay paabuton nila ang inadlaw nga kaugmaran. Sa mga pabor sa impeachment ilang giila ang kamahinungdanon niini alang sa kaugmaon sa nasod.

Ang ilang katarungan kinahanglan nga ang gobyerno mopakita og labok batok niadtong mga opisyal sa gobyerno nga gipasanginlang kurakot, abusado og mopahimuslanon sa higayon.

Apan alang sa di pabor, ang kanunay nilang gibandilyo nga lisod pagkab-ot og kaangayan ubos sa pangagamhanang Aquino nga ilang gihulagway nga maginukdanon.

Sa telebisyon puerting nindota sa salida sa impeachment. Your honor, your honor.... mao ni mga linyada nga sagad mabati gikan sa matag habig. Sa pagka tinuod daghan ang

nagsunod sa salida sa Senado matag adlaw.

Daghan man gani ang nangutana nako kong asa sila makapangayo og kopya sa ANC nga nag-cover niini live. Komedya nako silang gitubag, paabot lang basin dunay makahunahuna niini og pamaligya niini diha sa aseras o sa imong suki nga mamaligyaay og pirated DVD.

PAGEANT

Sukad nga gihimo kini sa taga Sinulog Fpundation, wa pa gyud ko maka saksi og search sa Festival Queen. Sa akong nakita sa video didto sa ABS CBN Newsroom og ang mga hulagway sa pamantalaan nakaaghat nako pagpangayo og kopya. Tuyo nako nga mapakita kini sa akong anak ug sa mga pag-umangkon. Gusto nako silang konbensihon nga sa mga beauty pageant nga ilang gisaksihan og gikalingawan sa telebisyon,

Ang Sinulog Festival Queen selection di lang bongga og mabulukon, dasok pa gyud sa mga lamas nga kultural. Gikan sa pagpaso o rampa hangtod sa ilang gisul-ob nga costume, di mabintahaan unya desinti pa gyud kaayo. Wa na magkinahanglan og parental guidance kong sa salida pa sa telibisyon.

BUYOG

Hisgut man ta og festival, basin makahunahuna si Mayor Jose Emery Roble sa lungsod sa Hilongos, Leyte og Buyog Festival sa umaabot nga mga adlaw. Nahibalo ba mo nga didto sa iyang lungsod nagsugod na pagtubod ang pinaka lami nga dugos sa buyog. Naa ni mahimutang sa Barangay Lamak.

Ang akong agaw Jerson nga usa sa mga experto sa pagpasanay og pag-amoma sa buyog nitug-an nga 40 na ka balay sa buyog kining gitawag nila og bee hive ang makita sa maong barangay. Karong Abril 8 maoy pormal nga pagbukas sa Lamak Beekeepers Assn. of Hilongos. Gisugdan ni pagtukod niadtong Hunyo 1 ubos sa pagpasiugda sa LGU sa Hilongos og sa DOLE.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph