Nagmaneho ug motorsiklo patay sa bangga

NAKABSAN sa kinabuhi ang driver sa motorsiklo human mibangga sa nagparking nga primemover truck niadtong Domingo mga alas 8:45 sa gabii sa Puntod, ning siyudad sa Cagayan de Oro.

Giila ang biktima nga mao si Jayson Vivares, hingkod ang edad, ulitawo, taga Lumbia ning siyudad.

Si Senior Police Officer 1 Rommel Latigo sa Police Station 5 (PS5) sa Macabalan nga nahinabi sa Sun.Star SuperBalita niingon nga posibleng nagbisita o naglaag sa iyang inahan nga nagpuyo sa Macabalan si Vivares.

Apan paghidangat sa Puntod wala namatikdan niini ang giparking nga primemover truck hinungdan sa kadaot sa motorsiklo ug naangkon sa biktima.

Giingong nabunal ang ulo niini sa truck ug nabunal pa sa semento.

Adunay babaeng backrider ang biktima niadtong tungora nga anaa karon gidala sa Northern Mindanao Medical Center (NMMC). Gidala gihapon si Vivares sa NMMC apan nakabsan sa kinabuhi pipila ka oras ang nilabay.

Matud ni Latigo nga posibleng makasohan ug illegal parking ang maong truck tungod kay gidili ang pagparking niini sa maong dapit gawas pa nga tungod sa kangitngit wala kini namatikdan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph