Ninal: Yolanda sa classroom

KALIT kong ningsud sa classroom, ug sa way daghang istorya nangutana: nganong ganahan mo sa “She’s Dating the Gangster?” Nahugyaw ang tanan, labi na ang mga hilig og artista.

u201cNindooooot kaayo siiiiiiiir!” syagit pa sa usa ka estudyante nga wa pa nakahuman og pamulbos sa kalit nakong pag-abot.

u201cYes, miss, unsay giganahan nimo sa salida?” ako siyang gipangutana. “Basta sir, ganahan lang ko. Eeeeeey!” misiyagit siya. “Eeeeeey!” ning-apil pud iyang katropa.

u201cBitaw, class, seriously, why do you like the movie?” nangutana na sab ko. Ug kay naa na may pulong “seriously” ug wa na man ko nagngisi, hinay-hinayng mihilom ang klase, nagsugod na’g duko ang uban kay hadlok matawgan.

Kanunay ni nakong mabantayan, gawas man o sulod sa iskuylahan. Ganahan ta sa salida, malingaw ta sa atong gibasa, mahigugma ta sa usa ka tawo, ug kon pangutan-on ngano, mangambot na dayon ta.

u201cBasta sir, ganahan lang ko niya,” tubag sa estud­yante sa pangutana nganong love kaayo niya iyang uyab.

Wa ta aning gitawag og “critical thinking,” kanang kilatison ang butang o kasinatian aron imong masabtan nganong ingon siya niana. Dili igo ang pag-ingon nga ganahan ka sa Gangster tungod kay si Daniel Padilla ug Kathryn Bernardo ang bida. Mao ra gihapon nang estor­yaha bisag dili sikat nga artista ang nagdala.

Kini ang akong paboritong intro sa akong mga lite­rature ug arts appreciation nga subjects. Ug kon mahilom na gani ang klase ug magpuyo na, nga murag gipangkasab-an sa ilang mama, mosugod na dayon ko’g hisgot sa mga elemento sa, panangitan, short story.

Ug feeling teacher na dayon ko.

Apan dihay kausa, may nahitabo sa classroom nga di nako malimtan, kasinatian nga nagdukdok sa akong ulo sa paghinay-hinay kay dili sa tanang panahon sakto ang maestro.

Niaging semana, naghisgot ko sa elemento nga “conflict” sa short story. Pag-abot nako sa Man vs. Nature, awtomatik dayon nga bagyo akong ehemplo. Pina-acting dayon kong midiskurso unsay mahitabo kon ang tawo makigbugno sa bagyo aron lang mabuhi.

Samag artista sa entablado, gisulong kuno dayon nako ang naghaguros nga hangin, naglutaw-lutaw kuno dayon ko sa dakong baha, ug nabugtoan kuno dayon ko sa kinabuhi.

Ining istoryaha, pildi ang Man sa Nature, ingon ko.

Pwerteng katawa sa klaseng nagtan-aw sa ilang naning nga maestro, dihang may usa nila nga miisa sa kamot ug miingon, “Sir, pwede lain lang nga example?” dayong hilak.

Nahilom ang tanan. Nangutana ko niya ngano. Mitubag ang iyang tapad, “Sir, she’s from Tacloban.”

Ug didto mura kog gibagyog tinuoray sa wa nako masabti nga gibati. Giduol nako ang estudyante og nangayo kog pasaylo, samtang ang mga hilig mamulbos nanungog, “Hala ka sir, hala ka sir!”

(@insoymada)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph