NTC gibatikos sa ‘nakaw load’

GIBATIKOS sa representante sa grupong Bayan Muna ang National Telecommunications Commission (NTC) sa kahuyang niini nga patubagon ang mga telecommunications company sa ilang wa paghatag og tinong sulbad sa “nakaw load” o pagpangawat og load ngadto sa mga subscribers.

"The NTC should strictly implement their circulars pero parang wala ring nagyayari. The NTC should do something in protecting the rights of the consumers, public interest pero bakit di nila napapatupad ng sakto yung rules nila," pahayag ni Teddy Casiño atol sa Kapehan sa SM City Davao Annex kagahapon.

Dugang ni Casino nga sa nakalabay nga tuig, giaprubahan sa ahensiya nga makunhuran ang interconnection charges sa text messaging pinaagi sa Memorandum Circular 02-10-2011.

Diin tanang interconnection charges alang SMS tali duha ka telcos di mosobra sa 15 centavos per SMS.

Apan sigun sa opisyal, milabay na lamang ang usa ka tuig, wala pa gihapon kini napatuman.

Aron matubag ang yangungo sa kadaghanang cellphone users nga ginakawatan og load, giduso sa opisyal ang House Bill 5653, kun Act Promoting the Rights of Mobile Phone Subscribers.

Niya pa, tubag kini aron ma-regulate ang presyo, mapugos ang mga telecommunicationcompanies nga mohatag sa detalyado nga billing sa prepaid credits, mapalambo pa ang ilang serbisyo.

Pahayag sa representante nga sa kasamtangan wala pay naka-eskedyul nga pagdungog alang sa balaudnon, apan malaumon siya nga bisan sa committee level mapasar kini.

"Sana before mag break for Christmas, maipasa siya kahit sa committee level muna, it’s a good Christmas gift for the mobile subscribers," pahayag sa opisyal. (Rhona O. Goc-ong)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph