NYC nagtinguhang may representante sa DRRMC

NAGTINGUHA ang National Youth Commission (NYC) nga dunay representasyon ug mahimong ang mga batan-on sa disaster risk reduction and management council (DRRMC).

Si Jose Sixto “Dingdong” Dantes III, commissioner-at-large sa NYC, namahayag nga sobra sa 30 porsiyento sa populasyon sa nasod kay kabataan ug kini ang sagad mabiktima sa mga kalamidad, man-made o natural disaster man.

“We also wanted to be a part of the solution and be included in councils like this,” siya nagkanayon dihang nahinabi sa mga tigbalita atol sa tulo ka adlaw nga consultative conference sa mga batan-on gikan sa Visayas ug Mindanao.

Matod niya di lang sa National DRRMC tinguha nila nga maapil ang mga batan-on bisan sa lokal nga level.

Si Dingdong niingon nga wa maapil sa Republic Act 10121 ang maong katuyoan hinungdan nga nag-awhag sila sa matag probinsya nga mopalabang og resolution alang niini.

Ang ubang mga lugar ang nakahimo na niini, dugang niya.

Si Jaywils Adlawan, taga Tacloban City, ang usa sa mga partisipante sa consultative conference.

Siya nipadayag nga maayong dunay youth representation sa DRRMC aron madunggan ang tingog sa mga batan-on sa pagpanguta og solusyon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph