Opisyal sa CTO patay sa ambush

USA ka administrative officer sa City Treasurer's Office sa siyudad sa Cotabato napatay samtang naangol ang tulo niya ka kauban human gibanhigan alas 5:00 sa hapon niadtong Huwebes didto sa siyudad sa Cotabato.

Nailhan sa kapulisan ang hingkabsan sa kinabuhi nga mao si Bailyn Blah samtang samdan sab ang iyang mga kauban nga sila Antalino Masukat, Florence Doruma ug Sainoden Masong, pulos mga empleyado sa City Hall.

Sigun sa nahagpat nga taho gikan sa Cotabato City Police Office, nasuta nga sakay ang mga biktima sa usa ka pampasaherong Town Ace nga dyip pauli sa ilang pinuy-anan. Apan pag-abot nila atbang sa Cotabato Regional and Medical Center (CRMC) kalit lamang silang gipamusil sa duha ka wala mailhing suspetsado gamit ang kalibre .45 nga pistola.

Patay gilayon si Blah nga naigo sa iyang ulo ug likod samtang samaran ang iyang mga kauban sa mga saag nga bala.

Dali nga misibat ang mga mamumuno sakay sa motorsiklo paingon sa wala matino nga direksyon.

Gilutos pa sila sa mga pulis ang mga suspek apan kalit lang silang nahanaw sa diha nga misum-ok sa usa ka hilit nga dapit sa siyudad.

Matud ni Cotabato City Mayor Japal Guiani nga posibling si Blah lamang ang target sa mga suspetsado ug naangin lang ang iyang mga kauban.

Gibutyag ni Senior Superintendent Willie Dangane nga padayon pa nilang giimbestigahan ang maong hitabo. (Edgardo Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph