Oplan Semana Santa ipatuman sa kapulisan sa DavSur

KARONG semanaha sugdan sa Davao del Sur Provincial Police Office (DSPPO) ang sunod-sunod nga tigom alang sa pagpatuman sa 'Oplan Semana Santa' karong sunod semana.

Sumala ni Senior Supt. Michael John Dubria, provincial police director, bahinon niya ang kapulisan nga magbantay sa mga nagkadaiyang Simbahan nga mohimo og mga aktibidades sa kwaresma.

Karong Dominggo, subay sa nabatasn, sugdan sa Simbahang Katoliko ang aktibidades sa Semana Santa pinaagi sa 'bendita sa lukay' mao nga daghang deboto ang motambong niini.

Gawas sa pagpatrolya sa kapulisan, aduna say imuntar nga mga checkpoints ug bantayang ang mga publikong terminal diin gilauman ang pagdagsa sa mga pasaherong mobakasyon sa ubang probinsya.

Gilauman sab ang pagdagsa sa mga mountaineers nga mosaka sa Mt. Apo mao

nga makig-alayon sab ang kapulisan ngadto sa militar aron pagbantay sa seguridad sa mga climbers.

Matud ni Dubria, di lang Semana Santa ang ilang bantayan sanglit inig human niini daghan ang mga modayong turista dinhi sa lalawigan sanglit summer na ug mangita gyud ang mga bakasyonista og kalingawan ilabi na sa Barangay Kapatagan, siyudad sa Digos. (Orlando Dinoy)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph