P104M ang kita sa CEEEPS sa 2011

USA ka impresibong tuig ang naangkon sa City Economic Enterprise and Economic Planning Services (CEEEPS) sa siyudad human mitala og dakong kinitaan sa nakalabay nga tuig.

Sa report nga gipresenta ni Jose Elmaro Guintadcan, Assistant Department Head II sa buhatan, siya nagkanayon nga bisan og may pipila ka kakulian nga naatubang sa nakalabay'ng tuig, nalabwan gihapon nila ang ilang target koleksiyon, napatuman ang nagkadaiyang kalamboan sa ilang operasyon.

Ang City Economic mikita og P104, 399, 475.58 sa tuig 2011, mas taas kini sa target nila nga P94,000,000.00.

Sa maong kantidad, ang palengke dinhi ang nag-una nga dunay pinakataas nga koleksiyon. Kini miabot og P63,524,361.14, sunod ang Davao City Overland Transport Terminal (DCOTT) nga mikita og P21,573,445.18 ug ikatulo ang Maa Slaugther House nga may P8,942,762.93.

Sumala pa nga mas gitutukan ang maintenance ug sanitasyon sa mga palengke dinhi pinaagi sa bayanihan nga ginahimo kaduha ka beses sa usa ka bulan.

Dugang pa nga ang DCCOT may target nga P20M alang 2011 apan nalabwan nila kini sa kapin P21M nga kinitaan.

Nasayran nga nakatampo ang pagpasira sa mga delinkwente nga stalls, nagbayad na sab ang mga tenants sa binulan nga renta.

Alang sa Sta. Ana Port nga ilawom sa pagdumala sa buhatan, gibutyag ni Guintadcan nga midoble ang koleksiyon niini, miabot ngadto sa P7,341,325,00 alang 2011.

Suma ni Guintadcan nga tungod kini sa pagbutho sa daghang negusyo duol sa wharf ug uban pa.

Samtang ang Davao City Recreation Center kanhi Almendras Gym, mikita sab og P520,933 sa nakalabay nga tuig.

Sumala pa nga ubos lamang ang kinitaan tungod sa di kaayo mahal nga rental rate, duna pa say wala makabayad.

Sa pikas bahin, gipasigarbo sab sa opisyal ang nagpadayong rehabilitasyon alang sa Magsaysay Park.

Ang pag-repair sa mga bangko, pagbutang og suga nakadani og daghang bisita nga moadto sa dapit. May laraw sab sumala pa nga paninduton ang parke, apan ang sugyot tukion pa uban ang kantidad nga gamiton alang niini. (Rhona O. Goc-ong)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph