P61M nga ekipo pamaliton

GIAPROBAHAN na sa konseho ang pagpagawas sa minilyon nga pundo alang sa pagpamalit og heavy equipment sa kagamhanan sa dakbayan sa Sugbo.

Ang mga ekipo gamiton sa mga proyekto sa mga barangay.

Ang kinatibuk-ang gahin niabot og P61.5 milyones alang sa nagkadaiyang heavy equipment nga gikinahanglan sa Department of Engineering and Public Works sa siyudad.

Lakip sa pamaliton sa Cebu City Government mao ang duha ka units sa hydraulic excavator nga adunay hydraulic hammer; duha ka units nga hydraulic hammer; duha ka units sa payloader; duha ka units nga road roller; duha ka units nga 10-wheeler dumptruck ug usa ka unit sa motor grader.

Ang tanang mga ekipo nga pamaliton sa syudad sa Sugbo nga ginama sa Japan o Estados Unidos base sa lagda nga nalatid gikan DEPW.

Ang mga ekipo gikinahanglan kaayo sa DEPW.

Matod ni Engr. Kenneth Carmelita M. Enriquez nga adunay dakong panginahanglan sa syudad nga mopalit sa maong mga ekipo sanglit daghang mga request gikan sa mga barangay nga nanginahanglan niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph