P8M gipangayo sa mag-inahan nga gikidnap

OTSO milyones pesos ang gipangayo sa mga midagit sa mag-inahan nga taga General Santos City niadtong Domingo sa hapon.

Mga biktima mao sila Dina Dumaran ug anak nga si Sophie kinsa gidagit samtang nagsimba sa St. Michael Parish Church.

Matud ni Chief Superintendent Felicisimo Khu sa Directorate for Integrated Police Operations in Western Mindanao nga nahitabo ang insidente samtang anaa sila sud sa simbahan kauban ang bana sa biktima nga si Ian.

Nasayran nga migawas ang bata sa simbahan mao nga gisundan ni Dina apan wala na nakabalik ang inahan ug anak.

Ang amahan sa biktima iladong negusiyante ug tag-iya og gasoline station sa dakbayan sa General Santos.

Sa pagkakaron nagpadayon ang hot pursuit operation sa mga otoridad sa panghitabo. (Edgardo Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph