NAKABATON ang Indiana Pacers og libreng biyahe paingon sa no.1 nga puwesto sa Eastern Conference human gipangmakmak sa hosts Washington Wizards ang back-to-back champion Miami Heat, 114-93, kagahapon sa National Basketball Association (NBA).
Sa kapildihan, ang Heat natagak sa 54-27 nga rekord ug dili na nila magukod ang Pacers sa ilugay sa no.1 nga puwesto sa East bisan modaog pa sila sa nahabiling usa nila ka duwa sa regular season. Ang Pacers adunay 55-26 nga rekord.
Ang Heat nakadesisyon nga papahuwayon ang duha sa ilang labing mga sinaligan nga sila si LeBron James ug Chris Bosh alang sa ilang kampanya sa nagkaduol nga playoffs.
“There would be no disappointment,” matod sa laing sinaligan sa Heat nga si Dwyane
Wade kabahin sa ilang kapildihan. “When the playoffs start, we have a new season and we will be looking forward to it.”
Si Wade niduwa ug nakaamot og siyam ka puntos alang sa Heat tungod kay nagkinahanglan siyang magpakondisyon. Sulod sab sa siyam ka mga duwa nga wala nakapakita og aksyon si Wade tungod sa iyang pagkaangol.
Gipasabot ni Heat coach Erik Spoelstra nga kinahanglan nilang papahuwayon sila si James ug Bosh kay bun-og na sab gyud ang duha ka mga sakop sa Big Three sa nangaging mga duwa sa Heat.
“It was out of our control. Those guys put in a lot of mileage,” matod ni Spoelstra. “Our schedule was fairly extreme down the stretch. I’ve never been a part of a group that’s played that many games in that few of days down the stretch. That’s not an excuse, but we want to just make sure our guys are sharp and feeling healthy.”
Ang Heat gipangulohan ni Michael Beasley pinaagi sa iyang 18 puntos samtang ang Wizards gipangulohan ni Trevor Ariza pinaagi sa iyang 25 puntos.
“We played against a totally different Miami Heat today than usual,” matod ni Wizards center Marcin Gortat. “Nothing to be excited about. ... It was more like a scrimmage game than a big battle.”
Ang Wizards naggunit og 43-38 nga rekord ug kasamtangan silang nagpatong sa ikaunom nga dapit sa East.
Puntos matag usa
Washington (114) - Ariza 25, Nene 18, Harrington 16, Beal 15, Gortat 10, Booker 8, Webster 7, Porter Jr. 6, Wall 4, Gooden 3, Miller 2
Miami (93) - Beasley 18, Douglas 14, Allen 13, Jones 11, Haslem 9, Wade 9, Chalmers 7, Hamilton 6, Cole 4, Lewis 2. (AP)
