Pacman di pa angay moretiro

SA iyang nakita sa ensayo ni Manny Pacquiao, kumbensido si American trainer Freddie Roach nga layo pa gyud ang panahon aron moretiro ang pound-for-pound champion.

Sa interbyu sa www.8countnews.com, ang 5-time Trainer of the Year nagkanayon nga gipangutana siya ni Pacquiao kon aduna ba siya’y nakitang senyales nga nagkahinay na ang Pambansang Kamao.

Apan alang kang Roach, mahulagway gihapon niya si Pacquiao sa usa ka makina nga daw wala’y kaluya.

“His work ethic is better than ever,” batbat ni Roach. “He asked me one time to let him know if he’s slowing down. When I see that he is, I will tell him. He’s still a machine, he’s still going strong. Manny Pacquiao is not nearly done yet.”

Nidugang si Roach nga eksplosibo gyud gihapon kaayo si Pacquiao sa training camp gani sa iyang tan-aw, kini maoy labing kuyaw nga Manny Pacquiao nga iyang nakita.

“His timing, his distance, it’s all coming together. This may be the best Manny Pacquiao yet,” asoy ni Roach.

Kumbinsido si Roach nga sa ikatulong panagharong nila ni Pacquiao ug Juan Manuel Marquez karong Nobiyembre 12 sa Las Vegas, dili na gyud makatiwas sa away ang Mexicano dili sama sa nag-unang 2 ka mga away.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph