Pacman okey na batok Marquez

GIKOMPIRMAR ni pound-for-pound champion Manny Pacquiao nga makigharong siya kang Mexican Juan Manuel Marquez sa ikatulong higayon karong Nobiyembre 12.

Ning higayuna, mag-away ang duha ka mga boksidor sa catchweight nga 145 pounds.

“Tuloy na po yun, abangan n’yo,” matod sa fighting congressman sa Sarangani Province sa interbyu sa www.abs-cbnnews.com.

Niadtong Mayo 19, gipirmahan na ni Marquez ang kontrata human siya miuyon sa tanang mga detalye sa kontrata.

Ang pagkompirmar ni Pacquiao iyang gipabuhagay atol sa nahimo nang tradisyon nga victory party nga gipasiugdahan ni Goc. Luis Chavit Singson alang sa Pambansang Kamao sa Pilipinas.

Ang victory party nga gipahigayon sa Corinthian Gardens Clubhouse napuno sa mga pulitiko, mga artista ug uban pang mga VIP.

“Tradisyon na natin ito, laging may victory party with Gov. Singson,” asoy ni Pacquiao.

Matod ni Pacquiao nga plano niyang mag-ensayo og sugod alang sa away karong Septiyembre.

Ang nag-unang duha ka mga away pulos kontrobersyal ang resulta.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph